HTML programming language Hindi me sikhe. Learn HTML programming language in hindi

HTML ( Hyper Text Markup Language )

Log sochte hai ki ek acchi website banana simple nahi hai. Par ye galat hai sabhi ek acchi website bana sakte hai agar vo lagataar gyan prapt karte rahe or sikhta rahe. Ek acchi website banane ke liye hame Uski programming aani chahiye. Mene aapko ek simple sa tarika bataya tha ki blogger par blog ya website kese banaye. Par blogger par hamari blog ko professional roop dene ke liye hame hame kuch programming languages aani chahiye. Agar aap ek blogger hai to aapko HTML language aani chahiye. HTML language blogger ko jaroor aani chahiye agar use aage badhna hai or professional blogger banana hai to.

Agar aapko ye language nahi aati hai to padhte rahiye INTERNET IN HINDI ke aage aane wale articals . Agar aap padhenge to aap bhi apni man-pasand ki design apni site par kar sakte hai.

Aap ek blog banakar or apne khud ke naye naye coad banakar us par experiment kar sakte hai. Agar aapke coad acche or responsive hue to aap apne professional wale blog me ise apply kar sakte hai.

Isse aap sab kuch to nahi sikh sakte par aap isse Apne khud ke coad bana sakte hai. Me aapko suggest karunga ki aap hamare sath jude rahiye or aage aane wale articals padhte rahiye isse aapko HTML language ki acchi knowledge ho jayegi.

Ab HTML language ke baare me sikhte hai. Sabse pahle me aapko iska introduction dunga. HTML matlab Hyper Text Markup Language ek simple si language hai. Ise acche se kaam karne ke liye scripts ki jaroorat hoti hai. Aap iske baare me bhi aage samajh jayenge. Ye contant ko samajhne ke liye matlab ham jo likhte hai usko samajhne ke liye tags ka use karta hai. Ab hum tags ke bare me janenge.

HTML aapke browser ki ek bhasha hai. HTML bhasha ko 1990 me ek scientist ne khoja tha jinka naam "Tim Berners-Lee" hai. Is language ne programming ko ekdam simple bana diya tha jise kai University me lagu kiya gaya . Is khoj ne Tim Berners-Lee ko successful bana diya. HTML ne ye possible kar diya tha ki koi bhi apni soch internet par faila sake or apply kar sake.

          Ek page ko internet par HTML ke roop me dekhne ke liye aapko computer ke menu me sabse upar "View" par click karna hoga or uske baad "Source" ko salact karna hoga.

       HTML se anjaan vyakti ko ye bahoot complicate lagega matlab kathin lagega. Par agar aap hamare aage aane wale articals padhte rahenge to ye sab aapko bahoot simple lagega or aap in sabko sense kar payenge.

Ab aapne HTML ke baare me bahoot kuch sikh liya hai dosto... ab jara Tags ke baare me jaan le.

Tags kya hai.

HTML ka sabse jaroori hissa hai tags. Aapne tags nahi sikha to kuch nahi sikha. Tags HTML ka aadhar hai. Tags lable ki tarah hote hai jise aap kisi content ko markup karne liye kahte hai. Contant ka matlab mene aapko abhi samjha diya tha. Tags ka istemaal kisi line ko shuru karne or khatam karne ke liye kiya jata hai.

              Sabhi tags ek hi formate me hote hai. Jo less-than ke sign "<" se shuru hote hai or greater-than ke sign ">" par khatam hote hai. Aapne ye maths me to padha hi hoga. Nahi padha to bhi koi baat nahi.

               Tags do prakar ke hote hai. Opening tags jaise ke example: <head> or closing tags ka ek example: </head> . Yaad rahe mene aapko opening tags or closing tags ka ek-ek example diya hai.

                Opening tags or closing tags me ek hi fark hota hai vo hai slash matlab "/" ka.

               Aap jo bhi likhna chate hai vo in done ke beech me matlab opening Tagd or closing tags ke beech me likha jata hai.

HTML me bahoot saare Tags hote hai.is baat ko me baar baar aapse kah raha hoo iska dhyaan rahe.

Saare content opening tags <em> or closing tags </em> ke beech me kisi browser me prabhavi banane ke liye kiye jate hai
( "emphasised" ka chota roop "em" hai )

h1 , h2 , h3 , h4 , h5 aur h6 ye elements ( तत्व ) ka prayog headings banane ke liye kiya jata hai. ( Isme "h"ka matlab hota hai "heading" ) yahan agar aap h1 ka use ( प्रयोग ) karenge to aapki heading bade aksharo me hogi or h2 usse second level choti hogi. Sabse last me aata hai h6 jo sabse choti heading hai or ye sabse chota text ( शब्द ) hai.

Kya tags bade ya chote likhe ja sakte hai.

Jyadatar browsers ye nahi dekhte ki aapne tags ko bada shabdo matlab upper me likha hai ya chote matlab lower me likhe hai, vo sab mix kar dete hai.

Agar aap <HTML> , <html> ya <HtML> kuch bhi likhe to results sabhi ek jesa hi hoga. Chahe aap BADE shabdo me likhe ya chote shabdo me. Isse koi bhi fark nahi padhta.

Dosto aaj ke liye itna hi kuch aage ke liye bhi bacha lete hai. Agar aap poori tarah se html sikh lete hai to aap HTML file banakar paise bhi kama sakte hai or aap ek computer language bhi sikh jayenge. Aap hame FB page par like karke, Twitter par follow karke or hamara E-mail subscription leker hamare saath jude rahiye. Ye sab karne se hamari nayi-nayi post ki saari jaankari aap tak pahoonch jayegi. Bas agar aap hamara agla lesson padhenge to aap apni design ki hui website bana sakenge.

Aaj ke liye itna hi.... Dhanywad!

Read >> HTML Lessons-2

Read >> HTML Lessons-3

Read >> HTML Lessons-4